聖誕gift

無收聖誕fgift好耐,  同事比左1樽鵝肝醬,  包裝好靚個樽可以再用.

Crabtree gift

上週五收到信息話送1支25g手霜, 放工去攞話送晒, 要等週日才有.   今天食lunch再去攞,  試下運氣.    今次有貨啦.   收到支cream便要當場取消信息.

聖誕咭

好耐無收到聖誕咭, 今日收到張聖誕咭,  是阿妹個仔寄比我,  因為他是跑冬瓜人, 而且他唔識寫姨字, 所以用左拼音.

黑馬馬

天氣轉左好多啦.  一早一晚都變涼, 而且好乾燥.  找到屋企有芝麻, 便試下整芝麻糊.   不過D米浸得唔久耐(只浸左1hr, 網上講要浸5-6hr).

整爛左米和芝麻, 格水

睇下D黑水, 要加D渣再煲

成品, 唔太甜

大齋龜

週末跟老爺去探他的朋友, 他家裡只有一種動物.   有D食齋, 有D食肉,  攪到我都怕.

閃閃

週末同舊同學去飲茶(1:00開始), 之後去行街,  其實都未試過一起行街,  見到D商場鋪頭都入去睇下,  一行便睇到5:00PM, 無想過買野便會買到野,   無試過李D鞋底,  著左都幾好睇.

之前買左對JELLY BEAN都未著.

滋潤 ～ 片

今日睇報紙見到有平野買， 剪定印花放工去買， 都吾識間，是是旦旦買2包$38.00/包，收銀話加$28.00多1包片邊。

用黎煲湯飲！

假雲石

秋天黎到!   好多野都唔順利,   例如整麵包,  不同夏天好容易便發得起個麵團,  用左包新粉黎整, 唔敢落太多水,  而且放入個焗爐用左40度發酵,  用左一個下午都唔發得起.   唔李啦.   到晚上8:xx便將麵團分開2份, 再做第2次發酵(由用左1:30hr).   

759買日本粉

加左紫色無花果粒

整起左個麵團變左好似朱古力色(雲石包)

秋天 - 買買買

上網見到有平野買, 放工便去睇下有出少少血.   上到樓上都好多人買這樽東西.

會員價$19.00(特價)

綠茶粉$39.00

雪耳$38.00/8兩

立即沖左杯黎飲.

肥皂

今日收到另外公司D同事,  送比我的自家制肥皂.

小禮物

噚日放左1日假, 去左大埔醫院見醫生, 物理治療師, 職業治療師, 社工, 姑娘.......,  傾下老爺妹妹的病情,  都無咩野講,   浪費左我1天大假.   

今日返到公司枱上出現左.....   好彩叫左同事有野一定要留比我.   因為老闆去完旅行返公司,  一定會買手信.  

今次是北海道, 唔知好唔味道, 不過已經唔見個盒啦.

英式早餐

在759買左盒pancake粉，今日決定整黎食。  只是加疍＆牛奶， 不過屋企無， 加左水開粉。

可以煮到7～8塊，加D杏脯醬（有果肉）， 酱吾太甜（日本）。  幾好味道！！

無花果

噚日去工會買蛇宴飛，跟住去果欄打個白鴿轉，好多人在街cut柑皮，D人要皮吾要肉。

自己都睇到心疼。  買在一盒大隻無花果$20.00/隻， 我同屋企人2份。一盒有16隻、食左2隻（而且比較生D、未食得住）

怪物

今天公司收到一件大箱貨（136kg）， 要買部TV配合。  用黎展覽會上用呀.

花花

一次交3年會費,  唔使馬煩,  今次會員(SCS)禮物是花.   好靚.   唔知出年會是什麼花, 咩COLOR.

加拿大

老爺家姐返親黎都會買D嘢,  今次買左D正經嘢,  不再是有機食品.  好彩.....

真包

之前經常整麵包食,  今次是食真鮑魚.   街市見到有2份鮑魚仔, 便買左返黎整醉鮑,  好新鮮未死!!!   不過要先蒸後浸.  無加D咩便蒸.

手信

朋友同阿女返英國開學(因再轉校), 她做苦工, 而且順便當去旅行, 她買了個袋仔比我地,  約左食飯(慶祝她生日), 早黎一得間,  當然我會要我的喜好(綠色+藍色),  點知睇下裡面是made in uk, 另外一個有李是made in china.    賣成6.00英鎊

賞月

今年中秋節在家做節,  放早工馬上去吉之島買隻芝麻雞, 好彩屋企有少少餸.  原本無話要做節, 點知屋企人個個都得閒.   便黎做正日, 而且晚飯後便賞月啦.

中秋一定要有 :

傳統月餅

雪糕月餅


還有冰皮月餅(不過唔記得映相),  今年食整晒.....

中秋果籃

一到中秋節見到有幾多人會送禮(中國人的習俗),  今次是個客送黎比老闆,  他今次應該會拿走.

今次重量同上次差不多,  都是8.7kg(都是升高, 個底部都是紙, 無月餅)

 




















有提子, 桃, 星星(楊桃), 大家睇到有幾多型生果........

今日公司收到個生果籃,  直奇怪是租客送比業主.  因為我呢個公關常常去打交道......, 老細話大家同事開黎食左去..  好重(有8.8kg),  有同事話一定有盒月餅(無理由那麼重, 他話經常同老婆去買生果),  還同我打賭, 書左比個頭我當chair坐.  

開估啦,  我多左chair坐呀........

Yahoo要取消blog, 所有都急急腳搬屋啦.    睇到網友已經轉用, 試下點整和用.  要重新學過晒.

肥婆包

2013年8月28日下午10:48公開累積瀏覽 383

壞電腦之後, 好耐無整包, 今晚再整不過唔發得大, 包面加左好多芝士.....

老爺返黎即刻分開它.  而且裡面好多洞好軟.

買買買

2013年7月8日下午2:46公開累積瀏覽 203

睇到759昨日有折, 便出動去買野,  我呢個師奶太遲出動, 好多野都無晒.  想買多幾包麵粉(整麵包)都無啦.  之前在公司附近拓左20包(韓國麵粉), 叫左個男同事幫手, 他平時好少幫手, 因為他的老婆都有整麵包,  大家分......, 但未話我知要唔要.  

戰利品 (好低)

全部$151.80

韓國風

2013年6月26日下午4:07公開累積瀏覽 114

24/Jun約左d舊同事出黎食飯,  一班女仕當然好多野講和好嘈,  但樓上Cafe餐廳D90後比我地更嘈.   如果我地有心臟病真唔好去樓上Cafe食野.  

上次出黎食飯時舊同事話會去韓國玩,  我地開玩笑話要手信,  點知同事真的買了手信,  遲來手信是Hand cream. 

我地想攪旅行,  唔知攪幾耐啦!!!!

團聚 - 彩虹橋

2013年6月26日下午4:00公開累積瀏覽 105

Bobo最終在23/Jun/13零時份離開了.  阿妹當晚打長途電話通知我.   我當時心情沒有好大反應,  因為Bobo是在睡夢中走,  都算是安詳.   

我家養3頭狗都算長命.  希望牠們在彩虹橋上玩得開心D.   你們會在我心裡常在!

沙巴遊2013 (2)

2013年3月15日下午3:00公開累積瀏覽 2632

老爺話齋去旅行好似一定要買手信,  個喼去時18.5kg,  唔知點解那麼重(夏天),  帶左好多件衫, 不過都著唔晒,  返黎時個喼+1個發泡膠箱(是買左冷凍海鮮) = 44.5kg.  自己攞住1個手提包(3kg).  其實返到香港分下D手信, 都唔夠分.

3KG花膠 (馬幣540.00),  唔知靚唔靚, 都買先算.  在菲律賓市場買, 一定要講價, 馬拉人都識標高D價錢, 等你地還價.

櫻花蝦買左1KG(馬幣20),  蝦米1KG(馬幣28)在街市買, 另外1包櫻花蝦是250g(馬幣10), 蝦米在花膠舖買(馬幣26.00), 在街市買櫻花蝦老闆識聽廣東話, 問下他邊度買到馬拉棧, 他話馬拉棧=蝦醬, 而且帶我去街市其他舖頭買, 點樣間先好.  他話一定要買當地人自己整先好.

大條馬幣8.00/支, 細條是幫老爺同事買馬幣1.00/支(好香)

個箱是要錢買(馬幣11), 因為買雪條, 間店舖話用發泡膠安全D(唔怕溶), 可以放在箱內30hr. 

滿載而歸

沙巴帶子- 1KG(馬幣40.00)

沙巴急凍老虎蝦 x 2包 (10/15隻), 馬幣62.00/包

沙巴急凍老虎蝦 x 2包 (6/8隻), 馬幣85.00/包

沙巴鮑魚(用黎煲湯) x 3包, 是計重量, 最重個包是0.584g(馬幣43.8)

出名雪條(馬幣17.50/盒)

馬拉coffee(有白咖啡, 榴槤咖啡, 蒸餾咖啡)
燕窩糖, 椰子糖, 芒果糖

芒果汁(原本叫老爺芒果汁, 點知買左要開水飲, 帶左返香港放左入雪櫃)

如果有平機票去沙巴, 老爺話會再去呀.   食.....